劉伊心未被照肺死撐冇拍拖

應屆亞姐許瑩、王希瑤及許嘉慧，昨日聯同奪「美麗肌膚獎」的盛安、「完美體態獎」劉伊心、「最上鏡小姐」王津津及「友誼小姐」張加慧，出席美容中心的支票頒贈活動。早前被拍得與男舞蹈員拍拖的劉伊心，一臉倦容地說：「冇拍拖。尋日去行街，夜晚睇電視夜咗瞓。（同男友一齊睇？）我同張加慧睇。」她表示傳緋聞未有被公司照肺。提到「仁美清敍」重組，她表示有意加入。