勁敵Angelababy攻日成績理想，Janice Man（JM）亦不敢怠慢，昨日出席時裝品牌「:CHOCOOLATE三周年X A Bathing Ape」開幕禮，與A Bathing Ape的潮人設計師Nigo齊齊剪綵兼會面，Nigo更送上親筆簽名的限量版產品給她。JM坦言因工作而經常扮靚，故私底下打扮會以舒服及簡約為主，更賣口乖指鍾情品牌，但問到男友是否品牌捧場客時，她即避而不談：「我好多朋友都鍾意。（買畀朋友？）都會！去日本就會入貨。」
JM還透露夢想是擁有自己的時裝店，希望效法老闆娘樂基兒設計時裝：「有機會都想設計屬於自己品牌。（幾時開店？）完成手上工作先，唔係一朝一夕嘅事。（半退休？）係呀！其實都唔一定。」她表示現時忙於拍攝以八十年代為背景的新片：「我未抽離到角色，講嘢仲有八十年代嘅口音！」