最近Kama與緋聞男友富家子Terry戀情火速告吹後，正處於失戀期的她，心情毫無受損，繼續密密接工作，目的正向「千萬豪宅」邁進。據知一向對男人有戒心的Kama，經過早前「教訓」後，即向身邊友人透露，買樓比男人更靠得住，所以為達自己目標，更積極自力更生。

其實入行已有3年多的Kama出名是慳妹一名，加上近年不論身價、代言及寫真集都有可觀進帳，密食當三番的她已儲夠首期買豪宅，「升呢」做「豪宅女神」。

化淡妝掩人耳目

早前有傳Kama為狙擊Angelababy而住在現時的土瓜灣翔龍灣，但她今次睇中的貝沙灣卻又是Baby被傳媒拍攝到她經常出入的地方，更有報道指她有意一擲千金買下該心水豪宅，兩人認真「心有靈犀」。

Kama在地產公司門外駐足，看看可有心水之選。

Kama在貝沙灣大堂等候睇樓。

當日Kama趁平日下午較少人時分，相約地產經紀秘密睇貝沙灣，雖然戴上帽子及化淡妝想避開途人目光，但穿上熱褲露出長腿的她卻非常養眼，效果弄巧反拙。Kama一邊行，一邊急不及待地留心聽身旁的經紀講解地理方向及價錢，在睇樓期間又不時打電話報告情況，又四周觀望環境，似乎對樓盤非常感興趣。臨離開時，她不時望着附近的小巴路線圖，其後往超市買飲品，模之中， 她可謂最慳家。

拿着介紹書的Kama，細心聆聽身旁的經紀講解單位資料及價錢。	Kama睇樓期間不時打電話報告情況，又四周觀察環境。	Kama看完樓後途經小巴站，即細心留意路線圖。

翌日，出席完活動的Kama又獨自行街睇衫，眼見她只在女裝部掃貨，不論睇衫睇鞋，都是自己畀錢，力證不靠男人也可自力更生。

為愛犬搬港島區

對於她有意購入逾千萬元的貝沙灣，記者在電話中向Kama求證，她大方承認有意搬屋：「係有諗住搬，因為依家住九龍工作冇咁方便，想搬去港島區。（想買貝沙灣？）呢個都係我心水之一，因為我要照顧隻狗，所以搵嘅屋苑都要養得狗，但就會租多。（身家暴漲？）哈哈！今年收入係好咗，人工又畀屋企人投資同理財，都有少少進帳。」