鍾舒漫(Sherman)外表斯文又乖巧,但唔好以為佢十指不沾陽春水,其實佢唔使返工,喺屋企嘅時候會下廚整兩味。小小So知道Sherman成日整至愛嘅甜品,朋友食過佢親手焗嘅曲奇都讚不絕口,但Sherman只係享受製作嘅過程,之後佢只會食少少,其餘嘅會分畀家人同朋友。
小小So:點解咁鍾意整曲奇?
Sherman:因為曲奇種類多又快,不過我只係享受做嘅過程,人哋食完讚好食我就好有滿足感!
小小So:每次食好少?
Sherman:係呀!我每次只會食幾塊,唔會食太多,因為驚肥!
小小So:食曲奇飲汽水?
Sherman:我鍾意邊食曲奇邊歎咖啡,
如果喺咖啡裏面落啲鹽會仲好味,啲咖啡味會好出,大家一定要試吓!