新一代舞王陳偉霆（William）離開Sun Boy'z後作獨立發展，以跳舞歌手姿態殺出血路，去年在樂壇頒獎禮上橫掃新人獎，其後他繼續舞不停，在舞步上再向高難度挑戰，務求精益求精。但William曾經不幸受傷，小腿的韌帶撕裂，他說：「做跳舞歌手成日都會受傷，之前整親都好擔心，好似乜都做唔到咁，依家都唔係完全好番晒，以後跳舞都會特別錫身。」William透露跳舞表演之餘，公餘時間亦要勤力練舞、排舞，令手腳的肌肉無法好好休息，受傷似乎已是意料中事。

無論多疲累，William都搏命做Gym，以保持最弗身形。

William早前跳舞受傷，撕裂小腿韌帶。

隨時拍床戲

近月轉戰影壇，電影一部接一部，以為William終可以暫停練舞，好好休息，但他說：「咪以為女仔先要Keep Fit，我哋男藝人都要成日Keep住個身形，幾攰都要去做Gym、做運動，因為好可能隨時要拍床戲要除衫，隨時又要跳舞表演，真係完全冇得抖o架！（唔轉型做「企戙戙」歌手？）幾辛苦都好，我都會做跳舞歌手，因為跳舞係自己其中一個興趣，唔可以咁易放棄嘅！」