出爐亞姐三甲許瑩、王希瑤及許嘉慧，雖然凱旋而歸，但前晚於慶功宴上卻被劉伊心搶風頭！她由台上喊到台下再喊到慶功宴，問到可覺得搶去許瑩風頭？她說：「我忍不住嘛！有台灣工作人員捧場，輸了對不起他們！現在感覺落寞，要兩、三天平復！」慶功宴後，外地佳麗返酒店休息，劉伊心入酒店時面燶燶！

肥媽寸爆王希瑤

至於被上屆冠軍姚佳雯暗寸沒戴Nude Bra就見「真章」的王希瑤說：「呢個係大會規定，要遵守！我唔明佢講咩，個個女仔都有自然一面！（想同李嘉欣合作？）我覺得唔似佢喎！話我似佢，怕佢嬲！」而表演嘉賓肥媽坦言對賽果感到意外，問到是否認為王希瑤沒資格入六強？她說：「每個人嘅審美眼光唔同，佢喺問答環節唔識答嘢！（有指佢『改造』得似李嘉欣？）我老花又散光，要戴眼鏡先睇得出！」此外，許嘉慧、王津津及王晨昨午到荃灣「搵食」，她們到茶餐廳醫肚後即轉到商場血拚。

慶功宴上，許瑩（左）與許嘉慧相當風騷。	王希瑤勇奪亞軍，父母到場祝賀。	許瑩（右）離開時仍笑面迎人。

另外，周日晚兩台對撼的《無敵獎門人惡鬥美女廚房》及《2009亞洲小姐競選總決賽》分別錄得26點及8點平均收視，廣管局則接獲3宗投訴，指《無》鼓吹賭博及不尊重女性等，「亞姐」則接獲1宗投訴，指衣着暴露及播放時間不適合。

劉伊心前晚返酒店時不禁黑面。

王津津（左起）、季軍許嘉慧及王晨昨午出動醫肚。