趙碩之、江若琳、周秀娜、周柏豪及組合Square成員何尚謙（James），前日現身旺角鬧市宣傳寰宇電影《關人7事》，趙碩之更無視「鹹豬手」，以熱褲及低胸圓領衫上陣。原本電影公司安排演員戴上手銬後遊街示眾，但由於現場有接近300名圍觀市民及記者，場面極度混亂，趙碩之及江若琳被逼至寸步難行、面容扭曲，電影公司惟有腰斬活動，整個宣傳只維持十數分鐘。

雖然場面混亂，但見慣風浪的碩之依然處變不驚，更全程讓胸口「見光」，沒有如江若琳般以海報護胸。不過碩之未有招惹鹹豬手，她笑言由於與同行演員逼得太近，身體接觸在所難免，並自爆混亂間遭James背脊襲胸，可惜James懵然不知，碩之無奈地說：「冇計啦！（益咗James?）佢都話Feel唔到囉！」而James事後亦表示對誤襲碩之胸部感到內疚。

周柏豪被掟紙皮

江若琳則說：「太混亂喇！我都驚畀人淋鏹水呀！咁多人真係未試過，好彩周柏豪喺後面護住我。」問到有否遭人乘機博懵時，她竟拉周柏豪落水說：「我畀人摸小腿，周柏豪都畀人掟紙皮啦！」柏豪惟有自認好彩解窘：「當中獎囉！今晚去買六合彩，其實可能啲人諗住掟江若琳，但掟錯咗啫！」