日前本報獨家拍得貝安琪（Ankie）與尹子維（Terence）在萬聖節派對中公然激咀，四唇交疊！前晚本報致電Ankie求證，接聽的貝母劉香萍即否認兩人拍拖：「Terence送我個女返屋企，我仲聽到Ankie講：『送到呢度得喇！阿媽喺度！』！」其後，記者聯絡到Ankie，問到激咀一事即哈哈大笑說：「我哋係朋友！（飲醉唔記得？）冇，我好清醒。（有人真係見到！）唔係呀？咁……又有咩問題？」Ankie隨即把電話交給母親，劉香萍解釋：「佢聽唔明你問乜！總之佢哋係好朋友。」劉香萍昨日繼續以角度問題否認兩人激咀，但激讚Terence是好男仔：「佢人好好，有上進心，揀男仔唔計較有冇錢或者係咪靚仔。」