蒙嘉慧（YoYo）、錢嘉樂、鄭嘉穎、楊秀惠與黎諾懿等昨日為新劇《Only You只有您》試造型，監製笑言要替嘉樂找個惹火新娘，YoYo即貪玩大叫：「咁搵湯盈盈呀！」錢嘉樂聞言「火起」，即以鄭伊健舊愛梁詠琪作回敬：「唔好！梁詠琪好啲！」YoYo即時「無癮」收聲，嘉樂繼續得戚狙擊：「我咁講，都係想佢收聲咋！」成功贏了一仗的嘉樂笑言是夥拍YoYo的最佳人選：「監製搵我拍呢套劇就啱喇！係我先治得到佢（YoYo）！你睇吓黎諾懿咪成個『新版鄭伊健』囉！（想邊個演惹火尤物？）睇吓監製點對我，陳法拉同苟芸慧都唔錯。」

楊秀惠造型性感，搶盡其他女藝員「峰」頭！

錢嘉樂寸爆蒙嘉慧，事後被罰扭耳仔！

笑黎諾懿似伊健

事後，YoYo否認「梁詠琪」是其死穴：「唔係！只不過人哋嘅嘢盡量唔提。（你成日得罪人？）監製叫我新劇做番自己，雖然『死仔』、『賤精』係我口頭禪，但當事人唔會因為我咁叫而嬲，我知佢哋玩得先咁講！劇中我同鄭嘉穎演歡喜冤家，成日都會嗌交，但未知有冇咀戲。」鄭嘉穎則慨嘆不及YoYo牙尖嘴利，他說：「講爛口應該女仔叻啲，爛佬怕潑婦，但YoYo都唔算『口臭』！我個角色仲賴皮！」