新進內地模特兒張許超，憑獨特的氣質及充滿東方味的輪廓，甫出道已被譽為「杜鵑接班人」，獲多個國際品牌垂青，在各大時裝騷行貓步，還先後為著名電子品牌及時裝店擔任專屬模特兒，前途一片光明。
在大連出生的張許超，出道1年已參與過Chanel、Gucci、Christian Dior及Prada等時裝騷，並多次登上《Vogue》、《Bazzar》及《ELLE》等雜誌，去年更成為Sony的平面廣告模特兒，今年又獲THE SWANK邀請拍攝秋冬時裝廣告硬照，作為模界新人，發展可謂非常順利！
享受着靚衫
在內地被譽為「杜鵑接班人」的她，自言很欣賞對方：「我覺得佢好成功，希望可以好似佢咁出色。」小時候的她並沒有想過做Model，直至畢業後才決定隻身往北京闖闖，其後展開模特兒生涯：「當初抱住有工作就好嘅心態，冇諗過會有咁多人識，遇到咁多機會。我好享受模特兒工作，最鍾意係可以周遊列國，而且可以成日着靚衫。我唔係一個貪靚嘅人，而係抱住欣賞嘅態度去演繹設計師嘅作品。」
令她最難忘的經歷，是有次往法國為雜誌拍照，她說：「當地只得零下十度，我要着住啲春夏服飾好似吊帶衫咁影相，真係好凍！喺鏡頭前仲要不停擺甫士，一啲都唔容易，但愈艱辛嘅工作，就愈可以磨練到一個人。」
Profile
姓名：張許超
籍貫：大連
身高：179cm
體重：50kg
三圍：32.5、23、35
文：名人組