昨晚林峯憑與鍾嘉欣合唱歌《心領》，參與《翡翠歌星賀台慶》錄影，今年林峯沒有劇集入圍台慶頒獎禮，故將不用出席無綫台慶活動，是他入行多年，第一次不用參與無綫台慶，問到可會覺得失落？他說：「唔會！不過我都會緊張個節目。（睇好邊個有獎？）黎耀祥同鄧萃雯！我有睇《巾幗梟雄》，我估收視仍然好過《宮心計》。（唔撐楊怡、佘詩曼？）年年都撐啦！阿佘演技OK，楊怡跟我同期，演技都得到認同！」
對於霆鋒認老婆有喜，林峯與泳兒送上恭喜，陳偉霆則希望他生隊「少林隊」，問到想他生仔或生女？他說：「仔啦！霆鋒好Man，可以遺傳佢優良血統。」
