容祖兒、陳奕迅（Eason）與楊千嬅等昨日為無綫賀壽，唱家班祖兒在與Eason及千嬅對唱前，不忘恭喜謝霆鋒又做老竇，她說：「前兩日見到佢肥咗，我諗係張栢芝養胎之餘養肥埋佢！」

HotCha、陳偉霆、狄易達及張繼聰等載歌載舞。	畫了眼線的Eason與穿低胸裝的鄭融鬥搶鏡。	千嬅以小低胸裝亮相，頗為性感。

被發現不時流鼻水後，祖兒說：「尋晚過咗嚟澳門，酒店房冷氣好凍，頭先見到黃宗澤戴住口罩，已經認住佢支咪，盡量唔用，但依家仲流緊鼻水。陣間我會同Eason唱李克勤首急口令歌《Victory》，我背熟晒歌詞，但驚甩嘴又驚Eason影響我。我又會同楊千嬅互唱對方歌曲，平時我有唱開佢嘅歌，識晒！」

向來形象文靜的王菀之，罕有地與舞蹈員載歌載舞。

謝安琪影相時，張敬軒擺出趣怪表情。

至於「丁太」楊千嬅被問到何時生BB？她說：「霆鋒又做老竇，戥佢開心，輪都未輪到我，叫Eason先啦！佢係時候追多個，我過多陣二人世界先。」提到與祖兒對唱，她說：「我會唱佢首《華麗邂逅》，好Sweet！我第一次唱就係同丁先生（丁子高）新相識，如果我早啲識佢，介紹啲Stylist、經理人畀佢，可能佢會遇到好歌。（識到你已經行運？）我行運就真，唔使畀人話嫁唔出。」

Eason被催追多個

至於Eason被問追仔時間表，他說：「唔知！我都想恭喜霆鋒有喜，不過係咪真㗎？」此外，他被目擊在後台與屢傳緋聞的謝安琪的老公張繼聰有傾有講，狀甚老友。

此外，主持鄭裕玲、祖兒及千嬅在台上論盡圈中緋聞情侶，分別將方力申及鄧麗欣、薛凱琪、方大同及房祖名等擺上台，鄭裕玲又指住祖兒說：「最冇用係你，傳嚟傳去都係『C君』同『唐老鴨』！」農夫的C君即彈出來：「係咪講緊我？」全場爆笑，之後鄭裕玲又說：「唔知邊個生完做埋人太太之後又傳緋聞！」千嬅即說：「咁煩，所以唔生住！」