臨近年底，又是各大樂壇頒獎禮舉行的日子，各歌手都使出渾身解數作最後衝刺！早前舉行10周年音樂會的樂壇天后容祖兒，將於12月中推出EP《十年企劃》，向來領導潮流的她，無論衣着、唱歌及造型方面，都愛作出突破。在新專輯中，祖兒將以10個嶄新造型拍攝型格靚女相，當中包括「黑色兔仔」與「美式格鬥」Look等，創新又大膽！

祖兒在新碟中玩變身，造型大膽，令Fans耳目一新。	阿Sa為新碟駁髮拍寫真，散發濃濃女人味。	阿嬌早前在舞台劇中，與陳淑儀演父女，連新歌亦以此為題材。

阿Sa音樂嘗新

祖兒說：「我好鍾意Miffy，今次用化妝嘅顏料塗黑全身，連指甲邊都綑到黑晒，入行以嚟從未試過，都幾震撼同新穎，雖然好難搞，仲花咗好多時間清潔，但出嚟嘅效果好滿意。」另外，她還戴上面罩，化身「美式格鬥」型女，令人耳目一新！

至於曲風方面，祖兒表示會有Big Band Jazz感覺，她說：「作為歌手，我每次都對自己有唔同要求，今次唱腔同平時唔同，會加入新穎嘅音樂元素，當然亦會保留『祖式』情歌啦！」

至於「虎Sa」蔡卓妍在本月中已推出EP《Another Me》，她打破傳統發布會框框，在中環一間畫廊舉行新碟相展，展出碟內40多張照片，充分流露其型格氣質。阿Sa表示這是她首個個人相展，由於佳作太多，不能全數收錄在專輯內，所以決定舉行相展，與Fans分享「Another Charlene」。談及音樂班底，她表示與不少音樂人首度合作：「好似RubberBand、周博賢同Eric Kwok都係第一次合作，大家好夾，而新歌《同班同學》嘅填詞人，原來係我嘅中學學姐，所以唱起嚟好有親切感。」她還嘗試駁髮，效果理想，她笑說：「其實我鍾意短髮多啲，但大家都叫我試吓，原來效果咁正！

另外，「豹嬌」鍾欣桐一直忙於演出舞台劇及拍廣告等，非常忙碌，要到明年才推出專輯，但她早前單飛獻唱新歌《生活在他方》，外界反應不俗，由於歌曲內容以「父女情」為主，令她感觸良多。