周柏豪和江若琳（Elanne）在電影《關人7事》中飾演情侶，Elanne更被爛賭男友柏豪強迫做援交，他倆笑說：「我哋今次鬧交場面特別多，導演畀我哋自己度對白，我哋經常一見面就扮嗌交，搞到好多唔知情嘅人以為我哋好唔妥對方添！」

周柏豪在片中獻出額頭一吻，已冧爆江若琳！	在《關人7事》中，江若琳和柏豪有瞓馬路的戲份。 資料圖片	江若琳表示不能接受爛賭男友，為對方援交更加冇可能。

感覺有愛

柏豪表示兩人親密戲欠奉，最能表現情侶關係的是向Elanne道別的一吻：「呢個係我銀幕初吻嚟㗎！雖然只係錫咗額頭一下，都係佢㗎啦！初吻畀Elanne都值得，同佢拍戲好開心。」而Elanne對於這一吻也非常受落，直言被男仔錫額頭冧過錫嘴，覺得更有誠意，有愛和被保護的感覺。

《關人7事》雖未上畫，但Elanne看過自己的演出後評價甚高，更自評值90分：「我真係好鍾意部戲。（現實中會唔會似角色為男友犧牲？）一定唔會，如果個男仔咁爛賭，我一早走咗去，仲要我去援交就太過分，冇可能會接受到。」而周柏豪坦言愛侶之間首要條件是經濟獨立，不能完全依賴對方，才能長遠發展，因他曾目睹不少朋友為男友做擔保借錢，最後都沒有好結果。