新進男子組合4anda(son)日前獲邀出席公開活動，因四子的打歌服十足孫悟空的戰衣，故吸引不少小朋友搶住影合照，成員Kison說：「班小朋友好得意，佢哋個個都有功夫底子，係柔道高人，我都硬食咗幾拳，最後要佢哋教練喝住先識停。」小朋友見四個哥哥牛高馬大，都要求他們玩「人肉升降機」遊戲，將小朋友逐一拋高又放低，十足跳樓機！Manson說：「十幾個小朋友排住隊畀我哋抬起，真係少啲力都唔得，好彩當時已經表演完，唔係出到台軟手軟腳就大鑊！」4anda(son)表示一向喜歡小朋友，尤其男仔可以玩兵捉賊，連他們都變得後生十年。