早前Kelvin和台妹Mika鬧緋聞，百多張親密照被放上網任睇，令外界以為修心養性的Kelvin打回Bad Boy原形。有傳唱片公司痛斥Kelvin不知悔改，曾揚言放棄他，及時「收到風」的阿倫不惜越洋致電高層替Kelvin求情。而唱片公司在阿倫的誠意打動下，願放Kelvin一條生路，但要他先返加拿大「過冷河」，復出期由明年初押後至明年底。

鄧建明（後排中）開騷，阿倫（前）、彭健新（後排左）和Mr.成員Da力撐。

Kelvin因與Mika的「蜜照」曝光，險遭唱片公司放棄。 資料圖片

只怪有眼無珠

阿倫接受專訪時，例牌否認曾出口相助Kelvin，指工作忙又身在外地而不知情，但問到會否覺得Kelvin犯錯，阿倫力撐他說：「唔係咁大件事，又唔係作奸犯科。」他認為男歡女愛很正常，只怪契仔有眼無珠，故叮囑傳媒轉告Kelvin：「去眼鏡界翹楚苗僑偉度，配番一副啱度數嘅靚眼鏡。」至於有傳Kelvin返加拿大至明年底才復出，阿倫覺得時間不是大問題：「只視乎Kelvin對音樂嘅誠意同做人嘅態度。」他提議Kelvin到英國學編曲，但不知為何沒有下文。

此外，阿倫得知好友鄧建明（Joey）將於下月28日假九展舉行首次「擔正」的演唱會，他送高帽說：「你一定掂，如果我檔期得，一定嚟撐場。」阿倫透露Joey是結他的殿堂級人馬，故不需搞花臣和噱頭，只要做好音樂便可。而Joey表示已請鄭中基（Ronald）擔任嘉賓，許志安、梁漢文、側田及雷頌德等答應捧場。