潮媽劉美君育有三名子女，大仔逾二十歲，細女則年僅五歲。每當提到寶貝兒女，Prudence不禁流露慈母本色，認真溫馨。雖然大仔和細女的年齡相差甚大，但卻相處融洽，大仔對妹妹愛護有加，令Prudence十分安慰：「我大仔好Gentleman，好錫兩個妹，嗰時我離婚好唔開心，但最感動係個仔走嚟攬住安慰我，嗰刻我發現仔仔先係我至愛嘅男人，亦係我咁多年嚟最大嘅成就。」

劉美君將新歌送給男友，難怪拍MV時格外投入。

劉美君在愛情路上經歷高低起跌，是名副其實的「荊棘王后」。

勇於認錯

談到湊仔女的心得，Prudence說：「仔女見到媽咪表現好堅強同好叻，搞到佢哋都有包袱，要似媽咪咁叻至得，但我會同佢哋講：『媽咪好認得衰！』認衰同認錯都好過死撐！」至於身教亦同樣重要：「好似喺超市見到婆婆跌咗個橙，我會行埋去幫佢執番，細女見我咁做，都會跟住幫手，唔使我出聲。」

Prudence剛推出新碟《Queen of Hardships》，中文解作「荊棘王后」，與她的情路相當「應景」。與美日混血男友Steven打得火熱的她，更將新歌《Baby You're The One》送給男友。問到會否再婚？Prudence說：「若然一紙婚書咁重要，就唔會綁唔住兩段婚姻，若果感情穩定，唔需要一紙婚書！」