余安安早前專程赴英，出席長女李文琪（Marcia）的畢業禮，她辛苦供完女兒大學畢業，最安慰是Marcia努力取得好成績，全因知道媽咪搵錢辛苦：「個女嘅責任感令我感到最欣慰！」出席畢業禮前，安安坦言很緊張：「我怕自己會喊而出醜，又驚個女上台嗰陣會仆親，不過最終我冇喊，因為去到都忙住影相拍片，只係望住佢喺台上等出場時，啲眼淚湧咗一下！」

安安暢遊倫敦，留下最美的一刻。	安安赴英出席女兒的畢業禮，認真廿四孝媽咪！	文琪（右）與文騫已亭亭玉立，相信安安可以放心。 資料圖片

Marcia返港後仍需在香港大學修讀1年，故安安趁畢業禮結束，與女兒到布拉格旅行，問到Marcia可有許下承諾？安安說：「盡在不言中啦！不過我哋都有個擁抱同深情一吻嘅！」

細女赴美升學

另外，Marcia返港後便輪到妹妹文騫（Sasha）到美國讀大學，安安為她打點一切：「今次冇咁唔捨得，因為Sasha識煮嘢食，可以照顧自己，所以我冇咁擔心！不過都未鬆一口氣住，因為要等佢讀完先得！（咁你感情生活有乜打算？）我唔會計劃得太長遠，最緊要活在當下，因為世事難料。感情方面就隨緣啦！最緊要活得開心！」