唐素琪06年參加《美女廚房》入行，簽約金牌大風已有一段日子，剛於本月15日推出首張個人大碟，問到簽約二年始推出大碟，心情如何？她即澄清：「係二年半先啱！咁啱出碟嗰日係自己生日，當係公司畀我嘅生日禮物囉！都感觸㗎！不過見到隻碟，就覺得好實在，人生有一張專輯已經好滿足！」面對日漸年輕化的樂壇，唐素琪坦言有感比人遲起步，但樂觀豁達的她說：「好多嘢唔係自己控制到，隨緣啦！好多嘢都話唔埋。」
問到新碟中的情歌有否其感情觀？唐素琪說：「《大家好過》係講一對情侶，對彼此都冇晒感覺，但依然拖泥帶水。」她自言絕不是「拖泥帶水型」，屬「不愛就走型」，談到對上一段戀情，她說：「嗰陣未入行，同男朋友成日嗌交，嗌得多，好多愛都嗌走咗，最後我提出分手。」