時裝品牌Lanvin的東京銀座新店開幕，設計總監Alber Elbaz與男裝設計師Lucas Ossendrijver飛往日本助陣，品牌前晚在相撲手舉行比賽的兩國國技館舉行《2010男女春夏時裝展》，服飾由巴黎空運到日。按日本傳統文化，女士嚴禁進入該場館，今次舉行時裝騷，委實罕見，故引起不少爭議，但仍吸引廣末涼子、中田英壽、鈴木亞美及內地型男胡兵捧場。

品牌設計總監Alber Elbaz（左）與男裝設計師Lucas Ossendrijver。	中田英壽（左二）與胡兵（右一）分別坐在第一排睇騷。	富永愛榮升國際名模，前晚以低胸裝打頭陣。

近期人氣再度高企的廣末一早到場，但以私隱為由沒有行紅地氈，更拒絕接受訪問及拍照，記者影相時她即左閃右避，期間更有4、5名工作人員出手擋鏡頭，還要求記者刪除照片，一度引起混亂！另一邊廂，有指中田英壽為免被追問與電視台女主播瀧川Christel的緋聞，入場時刻意走秘密通道。

近年人氣不俗的鈴木亞美，是現場焦點之一。

模特兒示範新裝，令人目不暇給。

至於專程捧Alber Elbaz場的胡兵表示，最近忙於拍電影，問到可有時間拍拖？他笑言剛甩拖：「我唔靚都唔鍾意，靚又好難Keep住，因為靚多人望，而且日本人又開放，點Keep喎！不過我覺得拍拖好Sweet，拍咗兩個月都算好長，都唔錯啦！」而打頭陣行騷的國際名模富永愛表示，現已定居日本，早前於紐約行騷。

Alber否認過檔Chanel

另外，對於有傳將替代Karl Lagerfeld出任Chanel設計總監一職，Alber否認：「我同Karl係朋友，一笑置之！我同Lanvin關係好好，無意離婚。」提到兩國國技館嚴禁女士進入，早前有女政客上了土俵台（相撲手比賽的台）獻花給相撲手時備受抨擊，Alber說：「為了爭取女士嘅自由同公平對待，我極力爭取先獲批准！」Alber更深受歡迎，期間有位身材豐滿的女士要求合照，激動得眼泛淚光，更向他說我愛你，令Alber大喜！