現年二十歲的Melody，六年前在銅鑼灣閒逛時被星探發掘繼而進身模特兒行列。縱有本錢，但經驗尚淺，Melody坦言曾遭白眼及辱罵，她說：「嗰時去影樓影Fashion相，佢哋要求一個Cool嘅形象，但我好緊張唔係做得好好，佢哋好唔耐煩，當場用一啲好難聽嘅說話鬧我，我驚到喊咗出嚟！」後來不僅工作未能完成，竟然還要賠錢了事。

性格內向的Melody坦言當模特兒後變得愛說話。	Melody當年被星探發掘入行。	Melody十四歲便入行做模特兒，至今已有六年。

急急改電話

當模特兒可滿足Melody愛扮靚的願望，但亦為她招來不少狂蜂浪蝶，龍友藉詞教擺甫士埋身揩油已屬「小事」，更甚的是跟蹤及電話騷擾。她說：「佢哋喺屋企樓下等我，搞到我街都唔敢出。電話騷擾都試過，凌晨時分收到電話，講啲好肉麻過火嘅嘢，仲有喘氣聲，好變態！」最後惟有轉電話號碼避之則吉，不過經過此事後，Melody學會保護自己，亦不會輕易留電話給陌生人。