據知，當晚一集由楊千嬅、陳敏兒及張繼聰任嘉賓，討論「男女地位重新定位」問題，期間監製認為千嬅與敏兒討論事業比另一半好的問題時「唔到肉」，希望重錄，但阿姐與鄭裕玲（嘟嘟）認為與節目風格不符而拒絕，各人爭持不下，氣氛甚僵，最後由另一主持曾華倩打圓場再錄影。

汪明荃不滿監製林嘉穎做法，隔空鬧爆對方。 資料圖片

放大圖片

記者致電阿姐求證，她強調當日事件是對事不對人：「首先唔係淨係我一個覺得有問題，嘟嘟都好嬲，之前我哋有共識呢個節目唔係揭人私隱，我唔明點解要問埋啲咁嘅問題去逼嘉賓，其實嘉賓都好合作，但Fred（林嘉穎）竟然開咪嗌之前錄嘅全部唔要，咁樣真係好離譜，令嘉賓好難堪，事後佢又話冇講過，只係想我哋補番一、兩條問題，但佢開咪講，全廠人都聽到！」而監製林嘉穎則有另一套說法：「其實係主持默契唔夠，同一時間問問題，有啲混亂先NG，但阿姐認為呢啲就係氣氛，大家都有自己睇法，阿姐睇住我大，唔會因為咁而影響合作！」

曾華倩稱氣氛融洽

至於成為「夾心人」的華倩笑說：「氣氛好融洽，總之合作愉快！」而嘉賓千嬅則自爆掛住與老公丁子高傾電話約食飯，未有為意阿姐與嘟嘟發火，只知道當時大家正傾談有關鏡頭的事。而嘟嘟則表示「冇乜嘢回應」。