昨日12位候選亞姐穿泳裝見評判，大會事先講明禁用Nude Bra，令被何國鉦踢爆「谷胸上膊」的(2)王希瑤「峰」光不再；反觀(18)劉伊心的上圍依然澎湃，只有(3)林紫君、(9)李雪婷及(10)王晨能負隅頑抗。劉伊心解釋並非存心「打茅波」：「我唔知唔可以戴Nude Bra，我依家都除咗！（對其他佳麗唔公平！）唔好意思！我陣間同佢哋Say Sorry！我今日都係第一次戴Nude Bra，因為之前啲衫嘅Cutting唔需要戴，其實我覺得戴咗同冇戴嘅效果差唔多！」

「咪咪休息」的(2)王希瑤明顯跌Watt。 王希瑤 三圍：34、24.5、35 身高：5呎9吋	(9)李雪婷樣靚身材正，相信能打入三甲。	劉伊心（右起）「除糕」後，仍比王晨及王希瑤「胸」湧。

沖涼按胸叉電

至於被搶「峰」頭的王希瑤說：「我『咪咪』需要休息，佢攰喇！（你點幫佢叉電？）沖涼時幫佢按摩囉！我唔覺得今日好輸蝕，畀其他佳麗多啲機會啦！之前畀人話我警鐘胸，依家睇吓啲人點講！」

(7)楊凌智是非多多，令知名度急升。

(15) 許瑩身材均勻兼氣質超班。

提到早前被傳戴兩個Nude Bra，王希瑤解釋：「冇！我都唔知點樣兩個Nude Bra一齊戴，我頭先着便服有戴，着泳裝就冇戴！（你驚唔驚畀人話『變幻球』？）真先有得變，假就冇得變！（暗指邊位佳麗？）吓！人哋自然先可以咁大！」

此外，劉曉慶將於本周日擔任亞姐總決賽評判，對於準決賽當晚因特寫佳麗胸部而遭批評侮辱女性，劉曉慶說：「我聽聞過，我覺得跟穿泳衣一樣，要比美，就各部分都要比！佳麗質素不俗，我會着眼佳麗的身材、氣質及談吐，看誰最令人動心！」她更透露預備了名貴首飾出席總決賽。