女新人麥家瑜（Keeva）上周推出處女碟，為隆重其事，唱片公司前晚舉行發布會，麥媽媽專程由加拿大返港捧場，大會更即場宣布Keeva成為卡拉OK點播率最高的女新人，並由師兄張敬軒頒獎，兩人擁抱時，台下歌迷呷醋尖叫。Keeva大講有味笑話：「隻碟好抵買㗎！有個好安全又穩陣嘅環保袋送。（有冇留意今年新人？）有，大家唔同特質。（徐子珊有後台撐腰？）我都派咗五首歌上台。」
而軒仔則指王菀之每逢周期到都會找身邊人發洩：「雙子座嘅人特別情緒化。（有傳佢唱片公司有阿姐爭寵？）佢先係阿姐，不過係茶水阿姐。（唔怕激到佢周期到？）今次嚟一定係姨婆！」
