與「美味天使」熟落的前落選港姐黃瑩，昨日與郭羨妮（Sonija）及鄭俊弘到中環拍攝新劇，對於「豆沙包」梁梓悠投訴監製錢國偉（Wilson），黃瑩笑說：「佢形象一向係咁，平時都有好多女仔主動走埋去，可能想有多啲工作！（親眼見過？）哈！呢啲唔講喇！」她又自爆早前曾跟天使及Wilson出席派對，問到是否想認識Wilson？她說：「我都識佢！希望同佢熟啲會畀多啲嘢我做！做佢節目知名度會高啲同爆騷嘛！」但她表示與豆沙包不熟，更斥她自製新聞兼短視。
此外，Sonija亦為Wilson抱不平：「人哋叫你，你都有權唔去！既然覺得受委屈，不如把握機會做到最好！」對於視后競爭激烈，Sonija坦言左右為難：「鄧萃雯演技好，但佘詩曼同楊怡都係我好朋友，為免傷和氣，大家不如揀我啦！」