本文重點
法國球王施丹、韓國天王Rain及陶喆前晚出席腕錶品牌IWC晚宴，王敏德任表演嘉賓，而模特兒Rosemary、貝安琪及Jocelyn亦是座上客。一向親民的施丹晚宴上大受歡迎，嘉賓找他合照亦來者不拒，施丹跟Rain同坐一桌，但兩人座位距離遠而少有交談，Rain因趕乘晚上十一時的飛機，半途已離場，Rain到機場見到Fans亦不忘與他們揮手。
而視施丹為偶像的Rosemary，在席上被安排坐在施丹旁邊，開心不已，她說：「可能我識講法文，佢好好人，我同貝安琪、Jocelyn同佢影咗好多相，但因為手袋太細冇帶球衣畀佢簽名。我介紹香港嘅美食同景點畀佢，大家又傾咗好多關於法國嘅嘢。（叫你探佢或交換電話？）私人嘢唔講。」當晚施丹即邀請三位美女結伴夜蒲，首先到酒吧餐廳ZUMA暢飲，然後轉場到Dragon-i狂歡。至凌晨二時半，施丹由保鏢護送下離開，見到記者拍照有點面黑。
馬清偉指前妻康復中
此外，前晚偕同女友Winnie出席IWC晚宴的馬清偉，對於前妻薛芷倫（Fanny）的病情，他說：「好好，康復緊！要慢慢康復。（仔女返香港睇Fanny？）有啲喺外國讀緊書，放假就返嚟。佢喺屋企休息緊。（出咗院返馬家大宅？）私人嘢唔講。」對於有傳Fanny的病跟癌症有關，馬清偉說：「唔好講病情。（考慮氣功等其他治療方法？）治療過程唔好講。（點鼓勵佢？）人病一定辛苦，唔使點鼓勵。」
