陳國邦與羅敏莊（Mimi）拍拖七年，將於十二月初舉行婚禮，擔任ZaraBride Wedding Gallery代言人的他們，日前遠赴日本輕井沢拍攝婚紗照，當地正值拍攝楓葉的季節，Mimi說：「呢個地方好靚，好多日本人都會選擇喺呢度度假同結婚，當中有好多教堂仔，我哋就好似做示範咁影相，好多後生仔女同阿伯圍觀，仲有個伯伯問工作人員我係咪香港小姐添！」

浸濕婚紗

雖然天公不作美，拍攝期間，當地正打風及下雨，不過Mimi及阿邦的心情未受影響，Mimi說：「我哋一啲都唔覺得辛苦，仲好興奮，不過啲雨水就令到我件婚紗好重，攝影師叫我行，我都行唔郁。」至於赤膊浸溫泉及和服造型，Mimi說：「我未試過着和服，感覺好得意。影溫泉就係我提議嘅，嗰度其實係我哋住嘅地方，出嚟效果好滿意。」

在漫天楓葉中，羅敏莊的裙襬隨風飄揚，兩人又赤膊浸溫泉晒恩愛。

放大圖片

至於囍帖則由他們的友人設計，封面一個大「囍」字之餘，打開帖後就見到Mimi及阿邦手拖手的溫馨合照，內裏寫着「我們結婚了！小小的幸福，大大的喜悅，只因你也分享我倆的心情。」

文：影視組