向來愛DIY的鍾舒漫（Sherman），就連Fans也受感染，並趁着今年Sherman生日時，送上親自設計的Bling Bling Tee，令Sherman視之為寶，並直言珍藏價值高，故不捨得穿！她說：「Fans好多都係讀緊書，但佢哋儲錢買閃石，砌成圖案製作T恤，圖案不單止好靚，佢哋嘅心思同創意，真係令我又驚喜又感動，我好想遲啲住間大啲嘅屋時，用畫框鑲起件Tee嚟做裝飾。因為我真係唔捨得着！」
Sherman又透露，Fans特意播放一段自家創作的短片送給她，內容是她初出道由一個人開始，直到愈來愈多Fans蜂擁支持愛戴：「我真係睇到喊，好感動，好有心思，佢哋真係好乖！佢哋送畀我嘅卡我都有好好保存，好似呢張生日卡（上圖）又係Fans自製，親手寫咗好多支持我嘅說話，尤其話會一直陪住我，真係好感動，佢哋嘅支持真係難以形容，我好感激佢哋，真係畀咗好多力量我。」