目前李彩華（Rain）仍在橫店趕拍電視劇《大丫鬟》，雖然拍攝進度緊密，但Rain仍抽空暢遊杭州，她說：「我喺橫店坐火車一個鐘頭就到，享受旅行感覺，因為套劇拍得好趕，我有假期都要畀自己抖抖，不過今次去杭州係即日來回，主要遊覽著名景點西湖同靈隱寺！」去到靈隱寺，Rain買了一份香燭拜神：「嗰份香分五色，主要求平安、財富、健康、家宅同姻緣，基本上旅客去到杭州，都會去呢度，聽講話好靈。」

不過Rain卻遇上不快事，她說：「我同助手落車去買香，遇到好多騙財導遊，同我哋講話唔使錢排隊，又慫恿我哋買香，結果我哋迫於無奈，用100蚊人民幣買咗一紮！」後來Rain與助手坐車離開時，才發現原來只需一元人民幣就可買到同款香燭，令她深感掃興：「嗰下真係有啲嬲，但我有心拜神，我會心安理得。不過經一事、長一智，以後會小心啲。」

望見三輪單車，李彩華即想踩一圈。

李彩華到靈隱寺求神，豈料搞到一肚氣。

狂擦美食唔怕肥

此行Rain亦順道品嘗地道美食，除了杭州菜外，Rain還喪吃雪糕及粟米，掃除不忿心情，問到會否怕肥？她笑說：「唔會，我唔係好驚肥！」

李彩華吃雪糕及粟米忘憂，卻不擔心致肥。

放大圖片

文：German