本文重點
無綫台慶劇《宮心計》不但收視理想，更掀起全城熱話，佘詩曼及楊怡更憑該劇力爭「視后」，與「四奶奶」鄧萃雯爭一日長短。近日有網友將《宮》劇上周的金句詳細羅列在討論區上，金句主要以米雪飾演的鍾司制為主，包括「唔識駁定係唔敢駁呀？」、「我哋四司，一榮皆榮、一辱皆辱。」、「你依家至嚟假惺惺送藥？殺咗人再哭墳，你呢啲咪叫佛口蛇心囉」、「所謂花香引蝶採，樹大易招風」、「好！我就成全佢，有生之年，我都會同佢鬥到底」、「你最錯嘅只係揣測人心，經驗尚淺，畀人有機可乘，借題發揮。」等。
阿佘窒嘉穎「口甜舌滑」
此外，網友亦上載了《宮》劇的NG片段至YouTube，劇情講述阿佘讚賞鄭嘉穎棋藝及武功了得，兼口齒伶俐，豈料她竟將「口齒伶俐」誤說成「口甜舌滑」，阿佘得悉唸錯對白後即鬼馬伸脷，而網民則笑她趁機訴「心聲」。