許懷欣（Ryan）憶起小時候，由於經常懶執床鋪，每次都被媽媽「恐嚇」，指「惡爸爸」阿Sam回家後會罰他，Ryan說：「媽咪會話爸爸返嚟見到我間房咁亂，就會發脾氣，佢會變成喺《最佳拍檔》裏面嘅『惡King Kong』！當時我仲細，真係畀媽咪嚇親，咪立即同細佬摺番好啲被囉！」

許媽媽最愛抱着Ryan（左）與懷谷影相。	小懷欣最愛浸在浴缸玩水。	懷欣自細是百厭星，最愛四圍玩。

提到最頑皮的戰績，Ryan記得7歲那年，因玩滑板而跌倒，初時許媽媽見他沒有流血，只是手臂紅腫了少許，以為只是小事。不料翌日，Ryan的手臂腫如豬蹄，許媽媽才送他入急症室！

出拳打護士

Ryan說：「因為我好怕打針，當護士幫我打針時，我一拳打咗落佢塊面度！好在佢明白事理，知我唔係有心！」不過此瘀事成為終身笑話，每次他打針時，許媽媽都會瘀事重提呢！

文：音樂組