昨日Angelababy（楊穎）與熊黛林、吳君如、黃百鳴及鄭中基等出席天馬電影《花田囍事2010》在橫店舉行的開鏡儀式。同為人氣Model的Lynn與Baby雖然是同門師姐妹，但在儀式中相隔幾個身位，並暗地交鋒，Baby自爆有瘡，Lynn則冧笑提城城。

熊黛林（右）表示片中不用放笑彈，搞笑重任交由吳君如處理。	否認遙控公司業務的鄭中基（右），與林子聰玩得盡興。	黃百鳴力薦兒子黃子桓出任編劇。

Lynn表示已帶定電腦解悶，問到是否想與緋聞男友郭富城透過視像解相思之苦？她即冧笑說：「唔知呢！你問番佢，我玩MSN！」問到MSN名單中是否包括城城時，Lynn扯開話題說：「我有好多朋友，其實我同君如、古天樂好多對手戲。」由於古仔與城城外形有幾分相似，問到會否愛上古仔？她說：「我戲內做佢個妹，唔使鍾意佢！」

而Baby則自爆生粒粒搶鏡：「橫店冇娛樂，可以早啲瞓，近排皮膚起粒粒呀！」她又揚言不介意學偶像吳君如「撩鼻屎」：「如果導演覺得需要，我可以照做，戲入面我會扮男仔，但唔使束胸。」問到留在橫店，會否見不到好朋友（即陳偉霆）時，她說：「邊個好朋友先？咁我呢段期間都會返香港嘅。」

君如強吻黃百鳴

至於吳君如則說：「編劇黃子桓（黃百鳴兒子）寫咗場親熱戲畀我同黃百鳴，話我強吻佢！不過我好多謝黃百鳴，我有打折畀佢，陳可辛我都冇打折呀！」黃百鳴說：「佢拍完《家有囍事2009》後變咗『吳九組』，依家九百幾人搵佢拍戲！」

文：影視組　攝：謝國華橫店專電