蔡卓妍（阿Sa）為突破一般新碟發布會傳統，於上周舉行為期兩星期的「Charlene x Paul《Another Me》Photo Exhibition」相展活動，並廣發英雄帖邀請好友捧場。她透露由於今次影了很多靚相，但未能全部放入EP，故索性搞相展，將照片公諸同好。
阿Sa更考慮明年舉行相展：「但會自己做攝影師，我影人為主，我成日捉住助手、化妝師同阿嬌（鍾欣桐）影相，我反而少入鏡。」問到會否影緋聞男友鄭中基時？她笑說：「我鍾意影女仔多啲，而且鍾意影靚人多啲。」由於碟名中文意思為「另一個我」，阿Sa說：「我嘅另一面好複雜，有啲人格分裂，一時一樣。」
