自認十分慳儉的口靚模A. Lin（裴殷），雖然為了工作要購買大量衣物，但只限於花數百元買一件衣飾，甚少買貴價貨，可算是一個精明的消費者。但當A. Lin在外國遇上心頭好，或是當地限定的產品，都會豪一次，熱情過後才呻笨。
A. Lin最愛顏色鮮艷的物品，一見到就會瘋狂，她回憶起豪花錢的經歷：「在美國旅行期間，見到一對螢光粉紅色嘅波鞋，以為香港冇得賣，唔理價錢就買咗，用咗近港幣3千蚊。平時見到啲顏色好搶眼、好特別嘅波鞋，唔理有乜衫襯，只要鍾意就會買，一於買咗先算。我舊年試過喺外國見到一個新出嘅銀包，用咗港幣5千幾蚊買咗，但估唔到今年香港就有得賣喇！」
A. Lin還會為獨特的產品而豪花金錢，曾經因為某品牌是由香港公司作唯一代理，暫未有男友的她，更一併購買男女裝頸鏈。
文：專案組