貝安琪（Ankie）日前大清早現身香港駕駛學院，當她看見站在車旁等候的教車師傅時，即有禮貌地主動走上前打招呼，師傅亦趨前迎接。平日生活富貴的Ankie，未知是否公主病發作，連學車亦一樣富貴，她棄日本車唔揸，加錢Upgrade揸歐洲車平治A Class。

「學神」貝安琪駕駛平治A Class，富貴逼人。	貝安琪駕駛技術獲師傅嘉許，大讚她揸車淡定又穩陣。	下課後，師傅親自送貝安琪離開。

學車前，師傅跟Ankie講解一番後，便為Ankie打開車門，讓她登上她用來學車的平治A Class。坐在司機位的Ankie十分興奮，聽從師傅的指示後便出車練習。沿途見Ankie駕駛得很穩陣，無論直線、轉彎或泊位均沒半點出錯，完全做足考試要求。駕駛着名車的Ankie不時展現出燦爛笑容，似乎非常享受駕駛樂趣。學完車後，師傅一臉滿意送Ankie離開，還大讚她有天分。

心急買汽車用品

雖然未正式考到車牌，但Ankie已急不及待睇汽車用品，她在旺角黑布街一帶售賣汽車用品的店舖徘徊，最後到一間有很多汽車裝飾的店舖瀏覽，毛公仔、椅枕及膠地氈通通看個不停。她偏愛造型可愛的款式，看見豹紋椅枕即忍不住拿起研究，輕輕倚着試質感，最後還買了幾件合適的用品離開。未考到牌已先買汽車用品準備布置新車，看來她對考獲車牌胸有成竹。

記者致電Ankie，問她以平治學車的事，她說：「我覺得歐洲車車身重啲，揸嘅時候會定啲。我係德國人，喺嗰邊都有跟媽咪學過，依家正式學就好易上手，一啲都唔覺得難，仲好好玩。我好鍾意揸車，可以揸三、四個鐘都唔攰。（對考牌好有信心？）有，師傅都有讚我揸得好，今個月就考，我諗冇問題嘅。（會唔會買車？）會，想買歐洲車，但唔會喺香港買。（咁快睇定啲汽車用品？）呢度多啲款式，買定嚟布置我架車。」

文：名人組