之前寇鴻萍個老公梁廷鏘喺夜店攬女，仲畀人影埋相，但佢兩個依然成日出雙入對。不過，早幾日小小So喺馬場見到佢哋入場時就好低調，一前一後，好似陌生人咁，不過當見到記者，就即刻好有默契咁並肩而行，寇鴻萍仲翹住梁廷鏘手臂，好恩愛咁，期間又不時深情對望。講到入馬場，寇鴻萍好講意頭，之前佢話過唔恤髮入場，隻出賽馬實跑得出，帶挈佢贏獎金。
小小So ： 「今次有冇恤髮呀？」
寇鴻萍 ： 「冇呀！今日有兩隻馬出賽呀！」
佢邊講邊舉起兩隻手指。
小小So ： 「你個髮型好整齊喎！」
寇鴻萍 ： 「兩日前喺髮型屋度整o架！我兩日冇洗頭，希望好意頭！」講完摸住把頭髮。
不過其實寇鴻萍都好講衞生，天時暑熱兩日冇洗頭，佢話離開馬場第一時間就會返去洗。