袁詠儀（靚靚）、羅嘉良、戚美珍、薛家燕及陳敏之等《富貴門》演員，前晚出席慈善晚宴，籌得約60萬元。今年視后競爭激烈，大有機會角逐獎項的靚靚說：「我係無綫出身，不過唔係親生女，唔會畀我！咁講好寸呀呵？我以前係親生，依家嫁咗人，無綫做父母嘅，啲錢梗係留畀啲未嫁㗎啦！（唔嚟分身家？）拍呢個劇唔係為獎，係都唔會拍部咁多女主角嘅劇啦！」

陳敏之以超低胸裝上陣，成為全場焦點。

大合照時，郭可盈獲安排「坐正」，難怪她笑不攏嘴！

「明白遊戲規則」

靚靚認為《宮心計》的女主角機會最大，更直指憑《巾幗梟雄》而成為大熱的鄧萃雯（雯女）機會很微：「雯女唔係無綫人，佢應該好明白遊戲規則！其實得到觀眾認同，何解要得獎呢？我好欣賞佢，希望有機會合作！」

至於18年沒有拍劇的戚美珍，劇中與呂良偉有咀戲，且被放在片頭及宣傳片中，她說：「拍嗰時都冇話播咁多！（同老公苗僑偉備案？）佢都冇同我備案，佢多好多！（攞視后？）我係09年新人呀！」另外，上月9日與內地女星蘇岩註冊結婚的羅嘉良透露，12月會在北京補擺喜酒。

文：影視組