郭富城因「偷杧事件」曝光，令王秀琳（Mango）突然升呢與熊黛林（Lynn）爭做城嫂，至上周Lynn生日，她赴泰國與愛郎溫馨賀壽，事情峰迴路轉！昨午2時許，素顏的Lynn與兩名助手在銅鑼灣Sistyr Moon血拚獎勵自己，她心情勁靚，連掃幾件閃片背心仔及特價品，又踎地試鞋，毫無架子！

放大圖片	熊黛林血拚時忘我跪地。

對於有傳城城花2萬多元請遊泰國，Lynn沒有否認：「你喺邊度聽番嚟？（城城對你咁好，好開心？）我唔答呢啲嘢！（傳你為情自殘？）我唔係，只係感冒，打支針抖兩日好番！（拍完《葉問2》未？）拍完我嗰啲！」結果她花了2千多元，買了幾件閃片Tee便離開。另外，她日前與馮德倫於廣州出席時裝品牌騷，不過馮德倫合照時不敢斜視，非常搞笑！

預告送禮箍城

另一邊廂，Mango前晚與官恩娜（Ella）出席活動時遲到，她解釋因在禁止上客區上車，結果被的士司機趕落車，十分狼狽！對於Lynn與城城在泰國慶生，她不屑地說：「唔關我事！（Lynn成為大贏家？）又唔係比賽！」提及城城生日，她即興奮地表示同屬天蠍座：「到時祝佢生日快樂！（飛泰國慶祝？）唔會喇！（送禮物？）正常都會送，我對朋友好好嘅！」至於有傳Lynn為情自殘？她暗笑說：「係都唔會殺自己！」她邊說邊做出「捅人」的動作。此外，最近工作量大增的Ella坦言，無暇見男友，幸對方未有投訴。

文：專案組