自出道以來，薛凱琪（Fiona）吸納不少Fans，數年來收過的禮物數之不盡，其中最令她愛不釋手的，原來是一本靚靚畫冊。
Fiona對這位送禮的忠實Fans讚不絕口：「呢個Fans好好，佢影相好靚，每年都送本好厚嘅畫冊畀我，裏面全部都係我啲廣告、Cover、音樂會同活動嘅相片，唔單止做晒簡介，仲有精美包裝，靚過啲寫真集，可以攞出去賣。」
談到每年一本的畫冊，Fiona尤其感動：「作為一個藝人，有Fans每年幫我做，如果十年之後睇番，真係好有紀念價值！我啲Fans大多數都好乖好錫我，好多時佢哋都送禮物畀我，但佢哋好多都仲讀緊書或者啱啱出嚟做嘢，我叫佢哋唔好嘥錢，個心支持我就足夠。」
