飲食題　

問：試過用乜嘢方法減肥？最嚴重減到咩程度？

答：以前試過戒食碳水化合物，但係失敗咗，因為我好鍾意食飯。

問：有冇偏食習慣？有咩一定唔會食？

答：我唔偏食，但一定唔食牛、羊、辣嘢同埋奇怪嘅嘢，好似蠍子、蟲。

解說：Theresa未試過靠節食而成功減肥，反而生病及跳舞後瘦得很快。她不吃牛是因為家人拜觀音，故全家人不吃牛；Theresa對羊的味道感覺麻麻，割扁桃腺後便不再食辣。

童年篇　

問：細個有冇同過男仔打交？

答：梗係有啦！同細佬打交，佢出手好狠㗎！

解說：Theresa比細佬大5年，但每次打架也敗給他，即使打贏了，媽咪都會打她。有次細佬試過拿地拖棍打她，打到她雙腳受傷。

生活習慣題　

問：會唔會試過攰到唔沖涼瞓覺？嗰次係點？

答：幾攰都一定會沖涼，除非嗰日要拍戲拍成日，冇得返屋企，要喺車度瞓，但返到屋企都會即刻沖完涼先瞓。

問：瞓覺有冇試過流口水同打鼻鼾？

答：流口水梗係有啦！細個流得最多。試過有次出Trip，個同事同我講，話我嗰晚瞓覺時有少少鼻鼾！

解說：Theresa童年時流口水，瞓醒時發現枕頭濕了。她沒有打鼻鼾，只是某次出Trip因太攰才發出微弱的聲音。

喜好及感情篇　

問：最討厭咩類型嘅男人？

答：成日講大話、唔誠實、吹牛同冇責任心。

問：最憎男人有啲咩壞習慣？

答：如果係拍拖，我最憎佢食煙同酗酒。

解說：Theresa指有男人連很無聊的事都會講大話，根本變成習慣，很討厭！她有鼻和氣管敏感，聞到煙味便很辛苦，有次拍煞科戲，當晚一大班人一起食飯，她聞到雪茄味，氣管便受不了，辛苦到翌日要去睇醫生。

假設篇　

問：如果喺度唔小心放咗個屁，個個都懷疑係你嘅時候，你有咩反應？

答：若無其事，當冇嘢。

問：遇到啲朋友有臭狐，會點樣對付？

答：盡量同佢保持距離，如果聞到都會扮冇嘢。

問：遇到拍接吻戲嘅對手有口臭，你會唔會出聲同佢講？

答：會，叫佢不如食吓香口膠又或者「o浪」吓口。

解說：Theresa不會送香水給有臭狐的朋友，因為兩種味溝起來更難聞，如果與對方去街，自己先買止汗劑，然後介紹給朋友。至於拍接吻戲遇到口臭的對手，她會先食香口膠，再問對方會否吃，又或者自己去漱口，等對方意識到去做。

文：名人組