楊千嬅日前為新歌《原來過得很快樂》拍攝MV，新婚的「丁太」戴着老公送的「RM」頸鏈，像小孩般肆意地玩肥皂泡、跳彈床及跳繩，她說：「新歌係《再見二丁目》嘅延續，今次好似將自己一生嘅嘢掉到地下，假如人生可以將所有不想要嘅倒掉，然後唔使收拾，轉身走就好！」但千嬅表示到拍攝跳彈床時已經返回現實，因力不到不為財，不是坐着便會有錢收！
問到早前被拍得睇中醫調理身體，是否準備迎接BB？千嬅說：「我日日都生仔㗎啦！生咗十幾年，所有楊千嬅出產嘅音樂電影都有我嘅DNA存在，都係我個仔，今次呢張唱片已經係我第30幾個仔啦！」此外，日前她拍攝某品牌眼鏡廣告，亦趁機做了眼睛檢查，視光師指她的視力非常健康，「咁夠眼光」，難怪她能找到真命天子。