帶點混血味道的「嫩版Rosemary」黃玉霞（Venus），三年前因泳兒到訪其就讀的中學表演，機緣巧合下被發掘做模特兒，她說：「當時我坐第一行，現場有雜誌記者覺得我OK，叫我參加佢哋搞嘅校花校草選舉，結果攞咗第一名，之後成為硬照兼職模特兒，覺得幾好玩。」

早前Venus決定放棄原本工作，參加漫畫社舉辦的動漫天使選舉。雖然最終落敗，但她仍選擇全身進軍娛樂圈，她說：「就算輸咗又點？依家仲後生，我都想試吓得唔得。機會係要自己爭取，有機會都想試吓拍戲！（娛樂圈係大染缸，家人有擔心？）屋企人都知呢個圈複雜，但咁大個人會有分寸。以前試過喺MSN畀人叫去影相，話明有錢收，但擔心唔知係咩人，所以都冇去。」

黃玉霞因緣際會闖入娛樂圈，希望能夠拍戲打響名堂。

放大圖片

搵機會進軍中台

不少人覺得o靚模無甚專長，獨沽一味只識賣弄身材，但Venus卻能講得一口流利普通話，更考獲專業資格可以開班教人，她自豪地說：「因為我以前住上水，曾經返深圳讀咗兩年書，所以普通話講得幾好，進軍內地同台灣市場都容易啲。」

聖誕扮Barbie

由動漫天使轉型的Venus雖未有機會拍電影，但獲Barbie公司垂青，將於聖誕節期間在《「Barbie Dance」慶祝50周年活動》中扮演真人版Barbie，她說：「好多人都話我個樣有少少Mix，Barbie咁靚女，扮到佢當然開心。」

Profile

黃玉霞（Venus）

年齡：21歲

三圍：32B、24、34

身高：165cm

嗜好：睡覺