這句「小雲同小吉好重要！」對麥雅緻來說真的很重要，三歲的她已抱實小雲不放，想不到就此種下多年情意結，成為小雲忠實擁躉，搜尋小雲的所有精品，她說：「三歲梗係唔知邊個係小雲啦！係屋企人送咗個大公仔畀我，跟住我好鍾意，日日攬住佢，後來全家移民，個公仔唔見咗，到我長大後好想搵番佢，就係咁愈睇愈多小雲嘢，呢個大公仔喺早幾日搵番，雖然要幾千蚊，但我諗都冇諗就即刻買，好難得咁多年後可以搵番個一模一樣嘅公仔。」

麥雅緻與巨型小雲合照，開心不已！ 場地：青衣城

麥雅緻小時候的小雲Look與現時相比，相映成趣。

物以罕為貴

小雲精品在巿面流量不大，價錢較貴，麥雅緻說：「好多小雲嘅產品只係出一次，所以喺玩具界嚟講，佢啲嘢算係幾貴，好多公仔都賣到幾千蚊隻，加上佢唔會年年出唔同版本，收藏嘅價值就高好多，成就感都多啲。」熱愛小雲的她，覺得天神村所有成員都很可愛，性格鮮明，早前香港有個《IQ博士》展，麥雅緻第一時間捧場，並帶同儲了多年的精品，想不到她的珍藏和現場展品一樣豐富。

文：潘 琳　攝：李柏儒