洪天明昨日披上晨曦明星足球隊球衣，到青衣運動場迎戰葵青區議員隊，期間與對手爭球時倒地，他說：「踢波係咁！冇所謂！（點睇陳法拉露Bra搞到點擊率爆燈？）實多人睇啦！我覺得冇乜嘢，都冇暴露到啲乜嘢，泳衣都出得街啦！香港太拘謹、保守，總之我哋唔係為搶收視而要法拉露。」同場的許志安則表示為個唱煩惱中：「我哋四兄弟（包括梁漢文、蘇永康、張衞健）個演唱仲有好多嘢未定，我想諗個有特色嘅名，或者可以叫『老棒堂』！」
為明星隊打氣的李珊珊表示將往日本拍無綫旅遊節目：「日本九月原本應該有個地震，依家變相我哋好可能會遇到呢個地震，但我唔擔心，福大命大！」
