雖然在o靚模界曾一度風頭無兩，但Kama近日人氣勁跌，先是被周秀娜的寫真集「技術性」擊倒，繼而被闊少男友拋棄，嫁入豪門「夢碎」，可謂連番失利。昨日她跟隨劉青雲、古天樂、鄧麗欣（Stephy）、何超儀與黃又南等演員出席宣傳活動，現場Fans明顯不及Stephy。三位靚女站在台上時，超儀只跟Stephy有傾有講，Kama與二人零交流，處於「半透明」狀態。

Stephy拒談傅穎發律師信解約一事。

劉青雲（左）與古天樂均陪伴家人過中秋。

忙補戲焗潛水

問到為何近期減少公開露面，Kama說：「我幫緊部電影補戲。（冇中秋搵銀活動？）冇！（人氣跌？）我只係做緊啲你哋睇唔到嘅工作，例如幫模特兒學校研究課程同補戲！」對於周秀娜獲科技大學邀請出席講座，Kama坦言冇意見：「大學搵得佢梗有原因。（羨慕佢又『升呢』？）唔會，佢有佢嘅際遇。」談及新工作時，Kama透露正斟洽電影，但對於早前打算往日本發展，她突然自爆已「變陣」：「停咗喇！因為我學唔識日文，自己又忙，依家轉攻台灣，因為識啲普通話。都係自己懶嘅，極度失敗！（半途而廢？）有啲啦！但有機會學好啲日文都會再去。」

此外，近日有指Stephy入不敷支，她強調很慳家，經濟沒有問題，還透露待樓價回落時買樓孝敬媽咪。劉青雲與古天樂兩個大男人則留在家中過中秋，青雲自爆與太太郭藹明二人世界「搞吓搞吓」煮飯仔。

文：影視組