霍汶希（Mani）十年來與祖兒合作無間，問到祖兒的難忘事，Mani表示00年祖兒的跑馬地寓所失火，令她記憶猶新：「當時陪謝霆鋒去台灣做嘢，突然收到電話，有人話火燭之後就收咗線，後來知道係祖兒屋企出事，我即刻返香港。喺醫院見到佢成面黑色，佢仲識講笑話消防員認唔到佢係祖兒，唔知畀佢嚇死定笑死！」Mani還透露02年祖兒喉嚨生繭令她十分難忘：「祖兒冇諗過醫唔好，但睇咗好多個醫生都唔掂之後，有啲絕望，有一晚佢喊住咁打畀我，情緒接近崩潰，所以我陪咗佢成晚，鼓勵佢！」
而祖兒多年來發生不少蝦碌事，Mani說：「祖兒當年考咗車牌，有次佢泊車喺斜路，唔記得拉手掣，架車溜後，佢用手擋住個車尾。我跑到佢後面用手頂住，搞到要朋友拉個手掣。仲有祖兒有次倒車撞凹咗張學友架車！」