祖兒昨日分日、夜兩場假文化中心舉行《JOEYYUNG PERFECT 10 LIVE 2009》演唱會，英皇歌手近乎「晒冷」撐場，老闆楊受成夫婦率領蔡卓妍（阿Sa）、泳兒、陳偉霆及吳浩康等現身夜場，問到為何不見好姊妹鍾欣桐（阿嬌），阿Sa說：「分開兩批嚟，費事搶祖兒鏡！」相隔片刻，阿嬌在鄭希怡和關智斌的陪同下現身，經理人霍汶希（Mani）特別安排阿Sa和阿嬌來個Twins合照，其他嘉賓有王菀之等；日場嘉賓有詩雅和沈穎婷，容母則低調進場。場外有迷你鑽石舞台及多個不同造型的祖兒人形紙牌，供歌迷拍照留念。

舞台上懸掛不少射燈，營造華麗的效果。	阿Sa（右）和阿嬌攬着祖兒的人形紙牌合照。	陳偉霆（右起）、泳兒、阿Sa、楊受成夫婦、鍾舒漫和陳家樂等一同睇騷。

曾被老師叫反省

今次開騷主打唱功的祖兒，先穿上銀灰色、結上巨型蝴蝶的連身衫，在九大樂手的陪伴下登場。她甫出場即細訴當年，指15年前在同一場地參加唱歌比賽，年少膽小的她，因怯場只識腳震及忘記歌詞，台下支持者僅得媽媽及姨媽，但昨日就有全場數千歌迷欣賞：「大家可以大合唱，不過唔好走音。」祖兒自爆曾半工讀唱歌，但遭古板老師「攝紙仔」叫她反省，要她揀讀書還是做歌手，現事實證明她沒有選擇錯誤。

祖兒回顧過去十年，她覺得最難捱是2001年失聲，她曾擔心事業如其歌曲《沙堡壘》般，受不住打擊而化為烏有，還有網民無理的人身攻擊，幸好她夠硬頸、好勝才助她捱過困局：「我覺得咬實牙關過到呢關就『升呢』。」祖兒唱到送給媽媽的《世上只有》時，自認堅強的她說到「多謝媽咪29年嘅照顧」，已忍不住索鼻拭淚！歌迷即大叫「唔好喊」，祖兒反駁：「喊吓唔得咩？」

完騷後，祖兒接受訪問時被問到她叫「唔好走音」是否有所暗示？她否認影射其他歌手：「啲歌迷成日甩節拍又唔記得歌詞，所以叫佢哋唔好走音。」祖兒更戲言有思覺失調及人格分裂精神病。問到工作十年可有賺夠一億身家，自稱是精神病患者的她，卻十分醒目地說：「我有好多回憶。」

大批歌迷搶購祖兒的紀念品。

完騷後，祖兒高舉香檳慶功。