自從甄子丹憑《葉問》紅爆燈之後，日日拍戲冇停手，好少時間留喺香港，太太汪詩詩要一個人照顧起成頭家，都真係唔容易，小小So早排就打畀佢慰問吓近況。
小小So：老公成日周圍飛去拍戲，你搞唔搞得掂呀？
汪詩詩：原本OK，但早幾日真係亂晒龍！
小小So：發生咩事？
汪詩詩：早幾日打風，我叫咗司機放假，點知爸爸突然間病咗要入醫院，我要自己揸車由香港島去九龍送爸爸入院，點知老公又打畀我話唔舒服，我忙到冇理到佢。
小小So：跟住呢？
汪詩詩：點知老公到夜晚Send咗張相畀我，佢瞓咗喺醫院，原來佢又病到七彩，仲詐我嬌話我唔理佢添！
