藝人去到某個階段，總愛耍變法尋求突破，提升自己！胡杏兒曾為劇集增肥20磅，近年更轉型做歌手，張智霖最近則為出碟而束鬚添「佬」味。「為藝術犧牲」似乎是每個藝人令自己變成「有經歷的人」速成法！提起張智霖（Chilam），總會想到91年他與許秋怡合唱的《現代愛情故事》，長據K場點唱榜首，同名專輯賣個滿堂紅！18年後，Chilam最近宣布加盟Neway Star再戰樂壇，他哈哈笑說：「我同卡拉OK好有緣！」5年沒有出碟的他，為擺脫美少年形象，刻意留鬚添「佬味」，準備月底推出全新專輯：「不同階段對自己要求都唔同，初出道重包裝，希望吸引大家注意，要個個都認得我個樣！依家嘅我唔使啦啩？只希望大家記住我嘅歌，都算係投資！」38歲的Chilam擁有一張令人既羨又妒的孩子臉，他留鬚為了令人淡化其靚樣，改而記住其歌聲，可謂用心良苦。
孩子王一夜長大
人家都說，出唱片賺不到錢，香港做歌手最窮，Chilam還是要「舂個頭埋去」，是否他賺錢買花戴？他立即搶着說：「梗係啦！」然後認真地想了數秒才說：「以前個世界冇咁多嘢玩，唔興上網，唱K係年輕人嘅主要娛樂，K歌市場好重要，做歌手容易紅、錢又容易賺！」他從甜美的回憶返回現實世界，如夢初醒般說：「依家科技資訊發達，做藝人要花好多心思Sell自己，對抗『情敵』，留住觀眾嘅心，就要改變自己迎合潮流。其實好矛盾，唔可以迷失，有時我都會亂！」
從前是跟着前輩走，時移世易，轉眼Chilam已榮升前輩：「以前做歌手，我係娛樂圈初哥，用細路仔嘅思想同眼光去睇呢個花花碌碌嘅世界，前面有好多前輩，有佢哋頂住冇有怕！不過依家再返樂壇，好似一夜間變咗人哋嘅前輩，感覺好難形容……多咗份責任感！」
靚靚「梗係支持」
提到與爽朗的杏兒合作，Chilam形容是享受：「佢係一個好Sweet嘅女仔，好乖好勤力，佢把聲好啱唱歌！我諗，當年如果佢唔係去選美，一定會參加歌唱比賽。」與其說Chilam與卡拉OK有緣，倒不如說他與選美靚女有緣，太太袁詠儀（靚靚）是90年港姐冠軍，這次合唱的杏兒是99年港姐季軍。問到太太支持嗎？Chilam加強語氣兼睩大雙眼說：「佢梗係支持我啦！」
文：專案組 攝：秦健輝