中秋佳節，要開工的方力申未有人月兩圓，但昨日他在唱片《七年》的簽唱會上，獲大會安排一名小鄧麗欣（Stephy）陪他，氹得小方笑說：「咁得意！」他表示與緋聞女友Stephy拍檔而賺了不少錢，他說：「外間都好接受，希望金牌大風都唔好吹散我哋，你知公司呢排幾大風！」
此外，前晚小方出席活動支持父親的畫廊，並透露近年開始跟爹哋學做生意：「娛樂圈呢行手停口停，唔知可做幾耐，都想喺其他地方搵錢。」他透露收藏近40幅名畫，問到可有送畫給Stephy？他說：「冇喎！（送鑽石？）冇！送過畀媽咪，都有試過送畀女仔，但都係唔講喇！」
